عمرو دياب يطرح «كل حياتى» كاملة عبر يوتيوب

طرح النجم عمرو دياب مساء الثلاثاء، أغنية “كل حياتى”، كاملة عبر قناته الرسمية على موقع الفيديوهات “يوتيوب”.

أغنية “كل حياتى” ضمن ألبوم عمرو دياب الأخير، الذى يحمل نفس اسم الأغنية، والتى كتبها الشاعر تركى آل الشيخ، وألحان محمد رحيم، والتوزيع الموسيقى نادر حمدى، وإنتاج ناى.

يذكر أن عمرو دياب طرح مؤخرًا أغنيتين من الألبوم، وهما “ده لو إتساب”، و”تعالى” بشكل رسمى عبر حسابه بموقع الفيديوهات الشهير «يوتيوب».

ويتعاون عمرو دياب فى الألبوم مع عدد من الشعراء والملحنين والموزعين، من بينهم أيمن بهجت قمر، وتامر حسين، ونادر عبد الله، وخالد تاج الدين، وعمرو مصطفى، ومحمد رحيم، ووليد سعد، ومحمد يحيى، وطارق مدكور، ونادر حمدى.

وتقول كلمات الأغنية:

يا كل حياتى، وآمالى، ويا أجمل سنين فاتت

وحبى وكل أشواقى، وكل لحظة معاك كانت

أنا منك، وكلى ليك حياتى ليك، ورهن إيديك

بشوف العمر فيك أنت، وأشوف الدنيا دى فى عينيك

تصحى فيا أنا الإحساس على جناح الخيال أطير

وأشوفك أنت كل الناس، ومن نفسى عليك أغير

بتسرق كل أوقاتى، وتشغل ياما تفكيرى

وخلتنى أعيش الحب فى دنيا ما عاشها يوم غيرى

بشوف العمر فيك أنت، وأشوف الدنيا دى فى عينيك

فى دنيا حبك الحلوة تنادينى، وتهمس همس

ونكتب للفرح غنوة، ونغزلها بخيوط الشمس

أنا وأنت لوحدينا نعيش أجمل فصول العمر

وكل الدنيا حوالينا تعوضنا سنين الصبر

تصحى فيا أنا الإحساس على جناح الخيال أطير

وأشوفك أنت كل الناس، ومن نفسى عليك أغير

بتسرق كل أوقاتى، وتشغل ياما تفكيرى

وخلتنى أعيش الحب فى دنيا ما عاشها يوم غيرى

بشوف العمر فيك أنت، وأشوف الدنيا دى فى عينيك

تصحى فيا أنا الإحساس على جناح الخيال أطير

وأشوفك أنت كل الناس، ومن نفسى عليك أغير

بتسرق كل أوقاتى، وتشغل ياما تفكيرى

وخلتنى أعيش الحب فى دنيا ما عاشها يوم غيرى

أشوف العمر فيك أنت، وأشوف الدنيا دى فى عينيك